A empresa editorial Hércules de Ediciones presenta un ambicioso proxecto editorial coordinado por Segundo Vázquez Portomeñe, e contou coa colaboración da Xunta de Galicia.

Os quince volumes desta colección teñen unha vocación enciclopédica e representan un destacado esforzo editorial realizado para compilar os datos esenciais dos Camiños de Santiago. Ilustrada con imaxes e conformada por textos rigorosos ensaiados por moitos dos principais especialistas no tema xacobeo e das peregrinacións a Compostela, esta obra é importante tanto polo caudal de información como polo feito de que esa información favorece a difusión e posta en valor do patrimonio cultural galego.